Compilation – Page 2 – PMG Recordings

Format: CD / mp3

mACIDonia е првобитен бренд на PMG Recordings како издавачки ентитет.

Долгата линија изданија за нас започна токму со Macidonia class of 999 пред точно 16 години. Ова денес веќе историско издание, освен почеток, за нас претставуваше и запознавање со оние кои тогаш, помалку срамежливо и скромно ги гонеа своите PC домашни компјутери да произведуваат електронска музика. Освен што се здобивме со неколку доживотни пријателства, мислам дека во процесот успеавме и за прв пат да ја споиме сцената на едно место и да предизвикаме некаква компетитива, која додатно го подбутна ентузијазмот за креативност и автентичност во овој израз кај нас. Следеше MACIDONIA CLASS OF 2000, која и до денес по мое мислење е една од најдобрите електронски компилации кои сум ги слушнал.

Во изминативе 15тина години, електронската сцена кај нас доживеа фантастична експанзија, како впрочем и во целиот свет. Просто е невозможно да се долови таа креативна и квантитативна дисперзија, ниту пак издавачки совесно да се улови се што вреди да биде објавено. Но одамна PMG Recordings не е единствениот лејбл заинтересиран за издавање на електронска музика во мкд. Некои од тие лејблови се и сосем свртени кон надвор.

Зошто тогаш mACIDonia class of 2015?

Почувствувавме искрена потреба за една сериозна ревизија на оваа идеја, особено од аспект на дистанцата која ја имаме во однос на тие буквално почетнички денови. Дистанца, искуство и знаење, кои јасно се чувствуваат во продукциите на оние кои денес го сочинуваат возбудливиот мозаик на современата македонска електронска сцена. А што да не и мала документација на имиња кои треба да се најдат на едиција од овој тип, која идејно го издржа тестот на времето и се враќа како потреба или добар дух од минатото. Секако, фалат овде еден куп повеќе или помалку релевантни имиња од нашата актуелна сцена, што може да значи само едно: mACIDonia многу скоро ќе добие продолжение. Ене ја кае 2016та 🙂