Author: Nino Naumov

PMG Recordings Ви го најавува новиот втор по ред албум “Петар Пан синдром” на скопскиот средношколски панк состав Фонија, заедно со концертната промоција која ќе се случи во сабота, на 15 мај 2010 во клубот Кастро со почеток во 21:00 часот.

Бендот ќе се претстави со дел од новиот, но и голем дел од стариот материјал. Билетот заедно со оригинал цд-то на самата промоција ќе чини само 200 денари (количините на дисковите се ограничени). Специјални гости на концертот ќе бидат младиот панк-рок состав Heart Stroke кои и самите ќе влезат во студио наскоро да го снимат своето првенче. Ги повикуваме сите фанови, пријатели, и познаници да присуствуваат на оваа голема промотивна вечер! Вашето присуство за нас ќе претставува огромно задоволство. На промоцијата освен цд-то, ќе биде презентиран и нов merchandise.

PMG Recordings proudly presents:
The latest Skopje highschool punk-rock craze >>> FONIJA

Promoting LIVE their album PETAR PAN SYNDROME [pmgcd44], Saturday 15 May, club CASTRO, start 21:00. Warm up HEART STROKE

200den. on the door++CD for the first 150

Come and support the future.

Bernays Propaganda е нашиот најуспешен инди бенд во последниве години, нивниот цврст став, неоспорен талент и беспрекорна работна етика ги доведоа во таа позиција на водечки бенд на македонската независна сцена. Нивниот прв албум “Happines Machines” (pmgcd27) стана инстант класика на нашата нова музика, а тиражот на ЦДто е распродаден (освен послените неколку копии кои сеуште се на рафтот во Југотон/Литиум продавницата и потоа ќе го снема !!!), што е и сосем логично за албумот на годината 2009та според култното радио Канал 103. Кога сме веќе кај пехари, тука е и признанието за албум на годината од регионот+топ 10 албуми на деценијата според реномираниот загребски “Vecernji List”…

Но сето тоа полека станува минато. На 26ти април излегува вториот албум на Bernays Propaganda – My Personal Holiday. Бендот е поискусен, покомплексен и повозрасен и тоа јасно се чувствува на оваа плоча. Ставот и енергијата непроменети, а намерата да се дотрча трката некомпромитирана. Плоча која вреди да се дочека, а не треба уште многу да се чека.

26ти Април.

Цела Македонија.

Бидете подготвени.

Грозничавиот микс на креативна инспирација, притисокот од полумрачното секојдневие и манијачката ефикасност, релативно брзо доведоа до уште еден албум на СКОПСКИОТ бенд ПМГ Колектив. Со оглед на фактот што минатиот албум (“Пријателски Оган”, ПМГ Рекордингс, јануари 2009) беше објавен пред една година, произлегува дека бендот воопшто и не застанал со работа ни за момент. Оваа, можеби налудничава активност-така нормална за сериозните бендови, е директно предизвикана од гладта за музичко изразување, но и болната интеракција со актуелниот општествен, но и приватен духовен миг во кој бендот живее. Албумот го носи насловот “ДА4” и носи забележително потемен лирски тон од претходниците, притоа задржувајќи ја цврстата и сериозна танцова определба во ритамот и презентирањето на емоциите и ставовите. Нешто како музика за играње која третира сериозни проблеми. Албумот е очигледно инспириран од духовниот моментум на 4AD (дискографската куќа) од 80тите, брилијантната денс еклектичност на LCD Soundsystem и актуелната њујоршка сцена и од волшебните резултати од талентот и работната етика на локалните херои и драги пријатели/соработници Bernays Propaganda.

Карактерот на звукот на бендот е променет со употребата на “живи” тапани-резултат на вклучувањето на Здравко Кеврешан (тапанар на битиолските 3 Minutes In The Rain), па сето тоа резултира со поширока, вибрантна продукција, дело на Љупа Ангелов (кој е повторно во бендот), во соработка со мајсторските раце на Роботек и секако присутниот Мирко Попов. Во процесот на работа логично учевствуваа и редовните членови на бендот Синиша Евтимов и Александра Гавровски.

“ДА4” е 42ро по ред издание на ПМГ Рекордингс и ќе излезе на 2ри април 2010 година истовремено во сите македонски градови. Скопскиот промотивен концерт е предвиден за 24 април (сабота) во Хавана, а на тоа ќе му претходи европска турнеја на бендот (Босна, Хрватска, Словенија, Италија, Франција, Холандија, Германија, Австрија, Србија). Во меѓувреме ќе се реализира и македонска турнеја.

Пилот синглот од овој албум “Kontrol” е прогласен за сингл на годината 2009 според култното радио Канал 103.

41вото издание на ПМГ Рекордингс резервирано за Fighting Windmills и нивниот сингл ?! Промоцијата ќе се одржи во Инди Паб на 20-02-2010 година. Издавањето на синглот е предигра за нивниот албум #2 кој треба да се појави во втората половина од оваа година. Извонредно ИНТЕЛЕГЕНТНИ СКОПСКИ ДЕЦА кои сакаат да ги слушнете и тоа од едноставна причина што ИМААТ ШТО ДА КАЖАТ!!!