ПМГ РЕКОРДИНГС ФЕСТИВАЛ 12: ГРАДОТ МЕ ТЕРА ДА ПЕАМ

08.10.2022 | Author: Mirko Popov

PMG Recordings е дискографска куќа која е вложена во креација и промоција на современа Македонска музика уште од 1998 год. и досега има издадено точно 200 изданија на некои од најталентираните артисти од нашево поднебје. ПМГ рекордингс фестивал е годишна проверка на квалитетот, нивото и континуитетот на нашата работа.

12тиот по ред ПМГРФестивал, носи извонредно интересна и квалитетна понуда на 2 стејџа, со пакосно добри имиња. Оваа година фестивалот се одвива под наслов:
ГРАДОТ МЕ ТЕРА ДА ПЕАМ
исто како и јубилејното 200тото издание (компилација) на дискографската куќа, која може да се спушти бесплатно овде:

https://pmgrecordingsk.bandcamp.com/album/gradot-me-tera-da-peam-pmgr200

МКЦ Денсинг сала

ЛУФТАНЗА е бенд предводник на новата алтернативна скопска и македонска генерација. Вистинска експлозија од младешка свежина и креативност, која предизвика бура од воодушевување на сцената последниве 2 години. На овој фестивал, со целовечерен концерт, тие ќе го промовираат нивниот најнов ЛП, кој штотуку го завршија.

NIPPLEPEOPLE се наши специјални гости и веројатно најпопуларниот бенд во моментов во регионот. Нивниот хит “Фрка“ е број 1 хит на последнава декада, а новата песна “Јелена“ е фантастична обработка на една од најубавите српски староградски теми во електро поп манир. Многу добро познати на скопската публика, пред се поради нивниот незаборавен сценски настап, кој го додатно го изразува квалитетниот музички израз.

ХAJKA се екипата на моментот. Годината 2022 ќе остане запаметена како година кога Хајка ги освоија македонските концертни подиуми, но и срцата на искрените вљубеници во музиката. Фуриозен пост панк скопски состав, кој никого не остава рамнодушен. A must see! Сте ги гледале? Глејте ги пак, сега муе мајката :)))

CUT YOUR NIPPLE се претставници на истата таа феноменална нова алтер генерација, како и Луфтханза и Хајка. Бенд кој полека го гради својот идентитет и создава звук за кој тек ќе се дискутира. Тие ќе го отворат овогодинешното издание.

KANTON6 е електро-етно-џез состав од СКопје, кој докажува дека Џезот настанал во Македонија и е традиционална македонска музика. По интересното лето на пат низ најоткачените балкански провинцијални џез фестивали, се враќаат со настап во тајната престолнина на светот: СКопје.

PMG Tanz Digital stage
Бифе ФРОСИНА

АНДРЕЈА САЛПЕ е еден од креативните предводници на новата македонска електронска сцена. Неговите рецентни продукции се вртат на светските подиуми за танц, а неговиот диџеј (или лајв) настап е сјајна низа од современи клубски бисери.

ВЕСЕЛИНОВ е наш специјален пријател, кој доаѓа од Кавадарци и е неуморен со својата квалитетна електронска продукција. Му паметиме неколку настапи во живо, па го поканивме да се претстави токму така, со неговото пероснално видување на нештата кои значат танц.

GALATHEIA е многу добро познато име на нашата музичка сцена. Со еден албум и повеќе Е.П. изданија за PMGR, но и некои други лејблови и секако зачестени “живи“ настапи во последниве месеци, таа ја засилува својата амбиција како автор и полека но сигурно граби кон ново долгосвиречко издание. На фестивалот ќе се претстави со диџеј сет.

ВИОЛЕТА КАЧАКОВА е долги години тивката сила која го бутка целиот ПИЕМЏИ колектив напред. Во меѓувреме успеа да изгради забележителна диџеј кариера по скопските локали, клубови, па и фестивали. Нејзиниот диџеј сет буквално секогаш измамува супер позитивни реакции. Такво нешто очекуваме и на овој фестивал.

Фестивалот се реализира со поддршка на Министерството за култура на Република Северна Македонија.

Билетите по цена од 400 денари ДО ДЕНОТ НА ФЕСТИВАЛОТ можете да ги набавите на билетара МКЦ и он лајн исто од МКЦ.
ПОБРЗАЈТЕ, не е толку голем МКЦ колку што е големо срцето на ПМГ РЕКОРДИНГС ФЕСТИВАЛ 12.

Линк до фото галерија:

https://www.facebook.com/media/set/?set=a.530122642451328&type=3

Листа на медиумски објави на 28.09.2022:

makfax.com.mk

https://a1on.mk/culture/misteriozniot-elektro-pop-bend-nipplepeople-so-scenski-nastap-vo-skopje/

https://republika.mk/scena/muzika/misteriozniot-elektro-pop-bend-nipplepeople-nastapuva-na-festivalot-gradot-me-tera-da-peam/

https://www.stylist.mk/nipplepeople-so-scenski-nastap-vo-skopje

https://skopjeinfo.mk/pmg-rekordings-festival-na-8-oktomvri-vo-mkc

https://turlitava.com/vesti/kultura/misteriozniot-elektro-pop-bend-nipplepeople-so-stsenski-nastap-vo-skopje/

https://mtm.mk/kultura/96738-misteriozniot-elektro-pop-bend-nipplepeople-so-scenski-nastap-vo-skopje

https://tocka.com.mk/vesti/423409/misteriozniot-elektro-pop-bend-nipplepeople-so-scenski-nastap-vo-skopje

ekran.mk